Minikekë Red Velvet

Përbërësit:

  • 2 vezë
  • 190 gr miell ëmbëlsirash
  • 200 gr sheqer
  • 120 ml qumësht
  • 50 gr gjalp
  • 100 ml vaj misri
  • 10 gr kakao
  • 2 lugë çaji lëng limoni
  • 1 lugë çaji ekstrakt vanilje
  • ½ lugë çaji sodë buke
  • ½ lugë çaji uthull e bardhë
  • Pak ngjyrues i kuq ushqimor
Për kremin:
  • 220 gr mascarpone
  • 55 gr gjalp
  • 240 gr sheqer pluhur
  • ½ lugë çaji vanilje

Përgatitja:

*Përbërësit duhet të jenë në temperaturë dhome.

1. Në një enë të mesme shtoni qumështin dhe lëngun e limonit dhe lëreni mënjanë.

2. Ndizni furrën në 180oC. Ndani veç të bardhat e vezëve dhe rrihini me mikser dore për 3-4 minuta derisa të formohet një shkumë e bardhë dhe lëreni mënjanë.

3. Në një enë të thellë shtoni miellin, sodën, kakaon, kombinojini me lugë druri dhe lëreni mënjanë.

4. Merrni një enë tjetër dhe rrihni gjalpin mirë me mikser derisa të bëhet kremoz dhe i lëmuar. Shtoni sheqerin dhe vazhdoni të miksoni që të formohet një masë homogjene. Shtoni vajin dhe miksojini sërish.

5. Shtoni të kuqtë e vezës dhe ekstraktin e vaniljes. Miksojini edhe një herë. Shtoni uthullën dhe ngjyruesin derisa të arrini ngjyrën e dëshiruar.

6. Ulni shpejtësinë e mikserit dhe shtoni pak nga pak duke alternuar qumështin dhe përmbajtjen e enës ku kemi miellin. Mos e teproni me miksimin, ndaloni kur të jetë homogjenizuar brumi.

7. Shtoni të bardhat e rrahura të vezëve dhe përziejni me kujdes me lugë druri.

8. Mbushni deri në 2/3 foletë e tavës për minikekë me brumin e përgatitur. (Kjo recetë mjafton për rreth 16 minikekë).

9. Piqini për 20 minuta dhe lërini të ftohen.

10. Ndërkohë që piqen përgatisni kremin duke rrahur me mikser mascarponen dhe gjalpin (duhet të jenë temperaturë ambienti) derisa të bëhet masa kremoze. Shtoni sheqerin pluhur dhe vaniljen dhe miksoni sërish.

Kek me krem gështenjash

Përbërësit:

  • 3 vezë
  • 120 gr miell
  • 100 gr sheqer
  • 300 gr krem gështenjash
  • 100 gr gjalp
  • 11 gr maja për ëmbëlsira (nje paketë e vogël)
  • 3-4 gështenja komposto ose të ziera (opsionale)
  • sheqer pluhur për dekor

Përgatitja:

1. Ndizni furrën në 150oC. Në një enë të thellë trazoni mirë vezët dhe sheqerin derisa t’ju formohet një masë homogjene me ngjyrë të çelët.

2. Shkrini gjalpin dhe lëreni të ftohet. Pasi të jetë ftohur, shtojani masës së vezëve me sheqerin.

3. Shtoni kremin e gështenjave dhe trazojini mirë.

5. Në një enë tjeter shtoni miellin dhe majanë e ëmbëlsirave dhe kombinojini me lugë druri dhe më pas shtojeni tek ena ku keni përbërësit e tjerë.

6. Trazoni edhe një herë mirë derisa t’ju formohet një brum homogjen.

7. Në një tavë drejtkëndore buke shtoni gjysmën e masës së brumit, rreshtoni gështenjat në vijë të drejtë dhe shtoni gjysmën e mbetur të brumit sipër.

8. Piqeni për 50 minuta deri në 1 orë . Lëreni të ftohet dhe spërkateni me sheqer pluhur sipas dëshirës.

Role me kanelle (Cinnamon Rolls)

Përbërësit:

Për brumin:
  • 500 gr miell
  • 240 ml qumësht
  • 100 gr sheqer
  • 2 vezë të mëdha
  • 90 gr gjalp i shkrirë
  • 7 gr maja buke
  • 1 lugë çaji ekstrakt vanilje
  • 1 lugë çaji kanellë
  • 1 lugë çaji kripë
Për mbushjen:
  • 200 gr sheqer kaf
  • 17 gr kanellë
  • 60 gr gjalp i zbutur
Për kremin:
  • 220 gr mascarpone
  • 55 gr gjalp
  • 240 gr sheqer pluhur
  • ½ lugë çaji vanilje

Përgatitja:

1. Ngrohni qumështin për pak minuta derisa të jetë i vakët (jo i nxehtë). Derdheni në një enë të thellë dhe shtoni aty një lugë buke sheqer dhe majanë. Trazojini pak dhe lëreni mënjanë pesë minuta derisa majaja të aktivizohet dhe të formohen flluska në sipërfaqe.

2. Pasi të jetë aktivizuar majaja, shtoni në enë sheqerin, gjalpin e shkrirë, vezët dhe ekstraktin e vaniljes.Trazojini mirë derisa të kombinohen.

3. Shtoni miellin, kanellën dhe kripën dhe përziejeni derisa të fillojë t’ju formohet brumi. Ngjesheni brumin e formuar në një sipërfaqe të spërkatur mirë me miell derisa të bëhet elastik dhe të mos ngjisë në duar.

4. Jepini formë topi brumit,vendoseni në një enë të lyer me pak vaj dhe mbulojeni mirë. Lëreni të vijë në një mjedis të ngrohtë derisa të dyfishohet në madhësi (rreth 2 orë).

*Që brumi të vijë më shpejt, mund ta ndizni paraprakisht furrën në 50oC për disa minuta dhe ta fikni. Lërëni brumin të vijë brenda furrës së ngrohur me dritën e furrës të lënë ndezur.

5. Për të përgatitur mbushjen ndërkohë që vjen brumi, përzieni sheqerin dhe kanellën në një enë dhe lëreni gjalpin të zbutet në temperaturë ambienti.

6. Spërkasni sipërfaqen e punës me miell, merrni brumin dhe hapni me të një petë drejtkëndore me përmasa 30 dhe 60 cm.

7. Lyejeni petën mirë me gjalpin e zbutur (duhet të jetë shumë i butë, për ta zbutur mund ta fusni për pak sekonda në mikrovalë.

8. Spërkasni gjithë petën me mbushjen dhe shtypeni pak me duar që mbushja të ngjisë në petë. Rrotullojeni mirë petën në role (nga ana e gjatë e petës) dhe ndajeni në role të vogla me gjatësi 5cm duke prerë me thikë ose me pe kuzhine.

9.Në një tavë drejtkëndore të shtruar me letër kuzhine, vendosni roletë dhe lërini të vijnë për gjysëm ore.

10. Ndizni furrën në 180oC dhe piqini për rreth 20 minuta.

11. Ndërkohë që piqen përgatisni kremin duke rrahur me mikser mascarponen dhe gjalpin (duhet të jenë temperaturë ambienti) derisa të bëhet masa kremoze. Shtoni sheqerin pluhur dhe vaniljen dhe miksoni sërish.

12. Lëreni në temperaturë ambienti kremin dhe kur të jenë pjekur roletë, lyejini me krem sa janë ende të nxehta. Konsumojini të ngrohta.

Komposto gështenje

Përbërësit:

  • 600 gr gështenja (të qëruara)
  • 150 gr sheqer kaf
  • 150 gr sheqer i bardhë
  • 4 lugë çaji sodë buke

Përgatitja:

1. Vendosni gështenjat në një enë të thellë. Në një tenxhere zieni ujë dhe shtojani ujin e zier gështenjave. Lëreni mënjanë gjysëm ore.

2. Kullojini gështenjat nga uji dhe qërojini me thikë duke pasur kujdes të mos dëmtoni cipën e hollë të gështenjave. Cipa do i ndihmojë të ruajnë formën gjatë zierjes.

3. Shtoni gështenjat, ujë të vakët dhe një lugë çaji sodë në një tenxhere dhe vëreni të ziejë. Kur uji të ketë zier, uleni zjarrin dhe lërini të valojnë për 20 minuta në temperaturë të ulët. Derdheni ujin dhe ndërrojeni me ujë të vakët.

4. Ky proces do përsëritet dhe tre herë të tjera, në total katër zierje me ujë të ndërruar çdo herë dhe nga një lugë çaji sodë. Soda ndihmon në eleminimin e shijes së hidhur të cipës së gështenjës.

5. Pas katër zierjeve,hiqni me një kunj venat e trasha të gështenjave, shtoni sheqerin kaf dhe sheqerin e bardhë dhe ujë të vakët dhe ziejini gështenjat  në zjarr të ulët me kapak për rreth gjysëm ore.

6. Komposton kalojeni në kavanoza të sterilizuar dhe mbyllini hermetikisht.

Kek me çokollatë dhe kungull zucchini

Përbërësit:

  • 125gr miell
  • 160 gr sheqer kaf i çelët
  • 55 gr kos grek
  • 2 vezë
  • 50 gr kakao pa sheqer
  • 70 gr copëza çokollate
  • 220 gr kunguj zucchini të grirë (rreth 2 kunguj të vegjël)
  • 60 ml vaj misri
  • 1 lugë çaji ekstrakt vanilje
  • ½ lugë çaji sodë buke
  • ½ lugë çaji pluhur pjekjeje për ëmbëlsira
  • ½ lugë çaji kripë

Përgatitja:

1. Grini kungujt me rende dhe lërini mënjanë duke i mbulur me një pecetë kuzhine që të thithë lagështinë e tepërt.

2. Ndizni furrën në 180oC. Shtroni një tavë drejtkëndore buke me letër pjekjeje dhe lëreni mënjanë.

3. Në një enë të thellë shtoni miellin, kakaon, sodën dhe pluhurin e pjekjes dhe trazojini mirë.

4. Në një enë tjetër shtoni vezët, sheqerin, kosin, vajin dhe vaniljen dhe trazojini mirë derisa të përftohet një masë homogjene.

5. Shtojeni masën e përftuar në enën tjetër ku kemi miellin  dhe trazojini lehtë. Shtoni zucchini-t dhe përziejeni me një lugë druri derisa brumi të lidhet.

6. Shtoni gjysmën e copëzave të cokollatës dhe trazojini edhe një herë. Kalojeni brumin në tavë dhe sipër spërkasni copëzat e mbetura të çokollatës.

7. Piqeni për rreth 50-55 minuta. Lëreni të ftohet tërësisht para se ta servirni.

Galette me hurma

Përbërësit:

Për bazën:
  • 320 gr miell
  • 220 gr gjalp
  • 1 vezë
  • 15 gr sheqer
  • 1 lugë çaji kripë
  • 60 ml ujë
Për shurupin:
  • 180 gr sheqer
  • 230 ml ujë
  • 1 shkop kanelle
Për mbushjen:
  • 55 gr mascarpone
  • 25 gr sheqer
  • ½ lugë çaji vanilje
  • ¼ lugë çaji kanellë
  • 2-3 hurma mesatare

Përgatitja:

1. Prisni gjalpin në kubikë dhe lëreni në ngrirje për disa minuta.

2. Në një enë të thellë shtoni miellin, sheqerin dhe kripën. Trazojini mirë.

3. Shtoni gjalpin e ftohtë në enën e miellit dhe shtypeni me pirun. Më pas thërrmojini copëzat e mbetura me gishta derisa masa të mos ketë copa të dukshme gjalpi.

4. Shtoni vezën dhe trazoni mirë. Shtoni ujin pak nga pak dhe formoni brumin me dorë në trajtë topi. (Mund t’ju duhet me pak ose më shumë ujë, prandaj shtojeni me kujdes duke pare gjendjen e brumit.)

5. Pasi keni formuar një brum të qëndrueshëm që mban formë topi, shtypeni pak në trajtë disku, mbështilleni me letër plastike dhe lërëni në frigorifer për rreth 45 minuta.

6. Në një tenxhere mesatare shtoni përbërësit e shurupit, trazojini mirë dhe lëreni të valojë. Pasi ka valuar lërëni të ziejë në temperaturë të ulët për rreth pesë minuta.

7. Kalojeni shurupin në një enë që të ftohet.

8. Merrni një enë dhe shtoni në të mascarponen, sheqerin, vaniljen dhe kanellën. Trazojini mirë derisa të njëtrajtësohen.

9. Shtroni një tavë me letër pjekjeje dhe ndizni furrën në 180o.

10. Nxirrni brumin nga frigoriferi, merrni 2/3 e brumit dhe 1/3 lëreni mënjanë. Hapeni në një petë me diametër rreth 25 cm.

*1/3 e mbetur tw brumit mund ta fusni nw ngrirje dhe ta pwrdorni pwr njw herw tjetwr.

11. Kalojeni petën në tavën e shtruar. Shtoni me lugë mbushjen e mascarpones në qendër të petës dhe përhapeni pa iu afruar buzëve të petës.

12. Pritini hurmat në feta të holla dhe kalojeni çdo fetë në shurup dhe shkundeni pak.

13. Mbi mbushje shtroni fetat e hurmës në formë spirale nga jashtë drejt qendrës. Palosni buzët e petës mbi mbushje dhe shtypini pak me gishta.

14. Lyejini buzët e petës me pak të kuq veze duke përdorur një furçë dhe spërkateni galette-n me një majë gishtash sheqer kaf.

15. Piqeni galette-n për rreth 50 minuta – 1 orë derisa peta të ketë marrë ngjyrë të artë.

Biskota me tërshërë dhe rrush të thatë

Përbërësit:

  • 120 gr miell
  • 150 gr tërshërë kokërr plotë
  • 75 gr sheqer kaf
  • 75 gr sheqer i bardhë
  • 115 gr gjalp
  • 1 vezë
  • 100 gr rrush i thatë
  • 50 gr arra të copëtuara
  • 1 lugë çaji kanellë
  • ½ lugë çaji sodë buke
  • 1 lugë çaji ekstrakt vanilje
  • 1 majë luge  kripë

Përgatitja:

1. Në një enë të thellë shtoni miellin, sodën, kanellën dhe kripën. Lëreni mënjanë.

2. Merrni një enë tjetër dhe shtoni gjalpin, sheqerin kaf dhe sheqerin e bardhe. (Gjalpi duhet të jetë i zbutur në temperaturë dhome.)  Miksojini me mikser dore derisa të formohet një masë kremoze dhe homogjene.

3. Vazhdoni të miksoni duke shtuar miellin nga pak derisa të kombinohet mirë. Shtoni tërshërën, arrat dhe rrushin e thatë dhe trazojini me lugë druri.

4. Mbulojeni brumin e formuar me letër plastike kuzhine dhe lëreni të pushojë në frigorifer për rreth gjysëm ore.

5. Ndizni furrën në 180o. Shtroni dy tava me letër pjekjeje. Merrni brumin nga frigoriferi dhe ndajeni me lugë në topa të barabartë (rreth 18). Shtypini topat lehtë me gisht (jo shumë  sepse do të shtypen vetë gjatë pjekjes).

6. Sigurohuni që të ketë distancë mes biskotave pasi do të hapen pak gjatë pjekjes. Piqini për 10-15 minuta, jo më shumë.

7. Kur dalin nga furra biskotat janë  të buta. Duhet t’i lini në tavë të ftohen për minimumi 10-15 minuta dhe biskotat do të forcohen vetë.

Bukë të vogla me pure kungulli

Përbërësit:

Për purenë e kungullit:
  • Një kungull i ëmbël mesatar (rreth 1 kg)
Për mbushjen:
  • 200 gr pure kungulli
  • 30 gr sheqer
  • 20 gr gjalp
Për brumin:
  • 225 gr miell buke
  • 28 gr sheqer
  • 100 gr pure kungulli
  • 70 ml qumësht
  • 20 gr gjalp
  • 1 lugë çaji maja buke (3 gr)
  • ½ lugë çaji kripë
  • Fije peri për gatim

Përgatitja:

1. Lani, qëroni dhe pastroni kungullin nga farat. Prisni kungullin e pastruar në kubikë  dhe shtroni një tavë me letër alumini. Shtoni kungullin në tavë dhe mbulojeni plotësisht tavën sipër me letër alumini.

2. Piqeni në 2300C për 30-35 minuta derisa kungulli të jetë zbutur mjaftueshëm sa të shtypet me pirun.

3. Lëreni të ftohet dhe më pas frulojeni ose shtypeni me pirun derisa të formohet një pure homogjene.

4. Ndani 200 gr nga pureja për mbushjen. Shtoni sheqerin dhe gjalpin dhe përziejini derisa të njëtrajtësohet masa. Lëreni mbushjen mënjanë.

5. Në një enë të thellë shtoni miellin duke e kaluar në sitë. Shtoni 100 gr pure kungulli, sheqerin, kripën, qumështin, majanë dhe trazojini derisa t’ju formohet brumi.

6. Ngjesheni brumin e formuar për rreth 10-15 minuta derisa të bëhet i lëmuar dhe elastik.

7. Shtoni gjalpin në brum dhe vazhdoni ta ngjeshni sërish për 10 minuta.

8. Në një enë të lyer me pak vaj vendosni brumin dhe lëreni të vijë për 60-90 minuta derisa të jetë dyfishuar.

9. Ndajeni brumin e ardhur në tetë kuleçë të barabartë. Lërini kuleçët të pushojnë për rreth 30 minuta.

10. Merrni njërin nga kuleçët dhe në një sipërfaqe të spërkatur me miell hapni me pec një petë të trashë pak më të vogël se pëllëmba e dorës. Shtoni në qendër te petës një lugë mbushje (pa e tepruar se mund t’ju derdhet gjatë pjekjes).

11. Mblidhini buzët e petës drejt qendrës mbi mbushjen duke i shtypur me gishta derisa të jetë formuar një top i mbyllur mirë.

12. Prisni rreth 1 metër nga peri për gatim dhe lidhni topin duke formuar tetë ndarje. Duhet ta lidhni lirshëm pas brumi do të fryhet gjatë pjekjes. Të njëjtin proces përsëriteni me gjithë kuleçët e mbetur.

13. Ndizni furrën në 180oC. Lyejini bukët me furçë me pak qumësht dhe mund t’I vendosni në qendër një farë kungulli të qëruar për dekor.

14.Uleni temperaturën në 170oC dhe piqini për rreth 20-30 minuta.

Tërshërë e pjekur me boronica

Përbërësit:

  • 175 gr tërshërë kokërr plotë
  • 300 ml qumësht kokosi
  • 120 gr boronica
  • 2 vezë
  • 90 ml mjaltë
  • 45 gr gjalp i shkrirë
  • 40 gr banane e shtypur (1/2 banane)
  • 50 gr arra
  • ¾ lugë çaji pluhur pjekjeje
  • 1 lugë çaji kanellë
  • 1 lugë çaji ekstrakt vanilje

Përgatitja:

1. Rrihni vezët dhe shtoni një nga një të gjithë përbërësit e tjerë në një enë të thellë.

2. Trazojini mirë derisa të formohet një masë homogjene.

3. Ndizni furrën në 180o. Lyeni me gjalp një tavë rezistente ndaj nxehtësisë (me diametër 22 cm) dhe transferojeni masën në tavë.

4. Piqeni për 30-40 minuta dhe lëreni të ftohet. Mund ta shoqëroni me kos ose mjaltë.

Kek kafeje

Përbërësit:

Për streusel-in (shtresën e sipërme):
  • 100 gr sheqer kaf i papërpunuar
  • 40 gr gjalp i shkrirë
  • 30 gr miell
  • 100 gr arra të copëtuara
  • 1 lugë çaji kanellë
Për mbushjen:
  • 100 gr sheqer kaf
  • 1 lugë buke kanellë
  • 1 lugë çaji kakao
Për kekun:
  • 310 gr miell    
  • 3 vezë (mesatare)
  • 150 gr gjalp i shkrirë
  • 100 gr sheqer i bardhe
  • 100 gr sheqer kaf
  • 400 ml salcë kosi
  • 3 lugë çaji pluhur fryrës për ëmbëlsira
  • ½ lugë çaji sodë buke
  • 2 lugë  çaji ekstrakt vanilje
  • 1 lugë çaji kripë

Përgatitja:

1. Ndizni furrën në 180o. Në një enë shtoni miellin, pluhurin pjekës ,kripën dhe sodën dhe trazojini pak.

2.Në një enë tjetër rrihni vezët dhe shtoni gjalpin e shkrirë, salcën e kosit, sheqerin kaf, sheqerin e bardhë dhe vaniljen.

3. Trazojini mirë dhe derdheni masën e formuar në enën e miellit. Vazhdoni t’i trazoni derisa të formohet një masë e njëtrajtshme.

4. Lëreni brumin e formuar mënjanë dhe në një enë tjetër përgatisni mbushjen. Shtoni sheqerin kaf, kakaon dhe kanellën dhe përziejini lehtë. Lëreni mënjanë mbushjen.

5. Për përgatitjen e shtresës së sipërme kombinoni sheqerin kaf, miellin, kanellën, gjalpin dhe arrat.

6. Shtroni me letër pjekjeje një tavë keku me diametër 26 cm. Shtoni gjysmën e brumit të kekut dhe sheshojeni me spatul.

7. Spërkasni mbushjen mbi sipërfaqe dhe derdhni në qëndër gjysmën e mbetur të brumit. Meqënëse brumi është më i trashë se i një keku të zakonshëm, përdorni një spatul për ta shtruar nga qendra drejt anëve me kujdes.

8. Spërkatni me duar streusel-in mbi kek dhe lëvizeni pak me një kunj që të depërtojë më mirë në kek.

9. Piqeni për 45-50 minuta. Ngulni një kunj në qendër të kekut, në qoftë se del i pastër, keku është pjekur.