Kek me kungull

Përbërësit:

  • 260 gr miell
  • 220 gr pure kungulli
  • 200 gr sheqer i bardhë
  • 135 gr sheqer kaf
  • 2 vezë
  • 115 ml vaj misri
  • 75 ml qumësht
  • 1 lugë çaji sodë buke
  • 1 lugë çaji kanellë
  • 1 lugë çaji arrëmyshk i grirë
  • 1 lugë çaji kripë
  • fara kungulli të qëruara për dekor
Për purenë e kungullit:
  • 2 kunguj të vegjël vjeshte (rreth 400 gr secili)

Përgatitja:

1. Për të përgatitur purenë e kungullit, merrni një tavë, shtrojeni me letër pjekjeje dhe lëreni mënjanë. Ndizni furrën në 1800C.

2. Ndajini kungujt përgjysëm dhe hiqini farat. Vendosini gjysmat e kungujve në tavë  (ana e sheshtë të jetë e mbështetur në tavë).

3. Lërini kungujt të piqen për rreth 50-60 minuta derisa të zbuten. Nxirrini kungujt nga furra dhe gërryejeni tulin e kungujve dhe kalojeni në një enë.

4. Shtypeni me lugë ose kalojeni tulin në blender që të formoni një pure homogjene kungulli.

5. Lëreni purenë e kungullit të ftohet.

6. Për të përgatitur kekun, shtroni  një tavë drejtkëndore buke me letër pjekjeje dhe lëreni mënjanë. Ndizni furrën në 1800C.

7. Në një enë shtoni miellin, sodën, kanellën, arrëmyshkun dhe kripën. Trazojini mirë dhe lëreni mënjanë.

8. Merrni një enë të thellë dhe shtoni vezët, miksojini me tel kuzhine dhe shtoni vajin, qumështin, purenë e kungullit, sheqerin e bardhë, sheqerin kaf. Trazoni mirë derisa t’ju formohet një masë homogjene.

9. Shtoni pak nga pak përmbajtjen e enës së miellit dhe trazoni vazhdimisht derisa t’ju formohet brumi i kekut.

10. Derdheni brumin në tavën e përgatitur dhe spërkateni sipër me farat e kungullit.

11. Lëreni kekun të piqet për rreth 55-65 minuta. Testojeni me një kunj në qendër të kekut në qoftë se është pjekur sic duhet.

Tërshërë e pjekur me banane dhe çokollatë

Përbërësit:

  • 175 gr tërshërë kokërr plotë
  • 300 ml qumësht
  • 160 gr banane (e prerë në copa të vogla)
  • 2 vezë
  • 90 ml mjaltë
  • 45 gr gjalp i shkrirë
  • 50 gr copa çokollate
  • ¾ lugë çaji pluhur pjekjeje
  • 1 lugë çaji kanellë
  • 1 lugë çaji ekstrakt vanilje

Përgatitja:

1. Rrihni vezët dhe shtoni një nga një të gjithë përbërësit e tjerë në një enë të thellë.

2. Trazojini mirë derisa të formohet një masë homogjene.

3. Ndizni furrën në 180o. Lyeni me gjalp një tavë rezistente ndaj nxehtësisë (me diametër 22 cm) dhe transferojeni masën në tavë.

4. Piqeni për 30-40 minuta dhe lëreni të ftohet. Mund ta shoqëroni me kos ose mjaltë.

Biskota me gjalp kikiriku

Përbërësit:

  • 195 gr miell
  • 100 gr sheqer i bardhë
  • 100 gr sheqer kaf
  • 110 gr gjalp (i butë, temperaturë dhome)
  • 1 vezë (temperaturë dhome)
  • 190 gr gjalp kikiriku kremoz
  • ½ lugë çaji sodë buke
  • ½ lugë çaji pluhur fryrës për ëmbëlsira
  • 1 lugë çaji ekstrakt vanilje
  • ¼ lugë çaji kripë

Përgatitja:

1. Ndizni furrën në 180oC. Shtroni dy tava me letër pjekjeje dhe lërini mënjanë.

2. Në një enë shtoni miellin, sodën, pluhurin fryërës dhe kripën. Trazojini dhe lëreni enën mënjanë.

3. Në një enë tjetër shtoni gjalpin, sheqerin kaf dhe sheqerin e bardhë. Miksojini me mikser dore derisa të formohet një masë e njëtrajtshme. Shtoni gjalpin e kikirikut, ekstraktin e vaniljes dhe vezën. Miksoni sërish derisa brumi të homogjenizohet.

4. Shtoni përmbajtjen e enës së miellit dhe trazoni me spatul derisa t’ju formohet një brumë biskotash.

5. Ndajeni brumin në topa të vegjël rreth 33 gr secili (do ju formohen rreth 22 biskota). Vendosini topthat në të dy tavat duke lënë hapësirë mes tyre.

6. Me një pirun shtypini pak biskotat në formë kryqi. Piqini biskotat për rreth 10-11 minuta. Kur të dalin nga furra do jenë shumë të buta, duhet t’i lini të ftohen plotësisht para se t’i hiqni nga tava dhe t’i konsumoni.

Brownie

Përbërësit:

  • 60 gr miell
  • 30 gr kakao
  • 3 vezë
  • 110 gr gjalp
  • 200 gr çokollatë e zezë për gatim
  • 200 gr sheqer
  • 100 gr sheqer kaf
  • 1 lugë çaji ekstrakt vanilje
  • 1 majë gishtash kripë

Përgatitja:

1. Ndizni furrën në 180oC.

2. Lyeni me gjalp një tavë katrore me përmasa 20×20 cm. Pasi ta keni lyer, shtrojeni me letër pjekjeje dhe lëreni mënjanë.

3. Priteni çokollatën në copa me thikë dhe shtojeni në një enë. Ndajeni gjalpin në copa dhe shtojeni në enë. Shkrijeni çokollatën dhe gjalpin në bain marie (vendoseni enën mbi një tenxhere me ujë që është gati në të valuar.

4. Lëreni mënjanë çokollatën e shkrirë që të ftohet plotësisht.

5. Në një enë të thellë shtoni sheqerin kaf dhe sheqerin e bardhë. Trazojini dhe shtoni vezët një nga një ndërkohë që trazoni vazhdimisht.

6. Shtoni ekstraktin e vaniljes dhe kripën dhe trazoni sërish. Shtoni çokollatën e shkrirë dhe trazoni mirë.

7. Sitni miellin dhe kakaon dhe shtojini pak nga pak në përmbajtjen e enës. Përzieni lehtë me një spatul derisa të formohet nje brum homogjen (mos e teproni në përzierje).

8. Derdheni brumin në tavë. Përplaseni dy-tri herë tavën që të përhapet njëtrajtësisht brumi në tavë.

9. Piqeni për gysëm ore dhe lëreni të ftohet plotësisht.

10. Për ta prerë më thjeshtë brownie-n, përdorni një thike të mprehtë pasi ta keni zhytur në ujë të nxehtë dhe ta keni fshirë me pecetë.

.

Minikekë me dardhë dhe bajame

Përbërësit:

  • 175 gr miell integral
  • 90 gr tërshërë kokërrplotë
  • 240 ml qumësht
  • 110 gr sheqer kaf
  • 55 ml vaj misri
  • 1 vezë
  • 200 gr dardha të prera në kubikë
  • 40 gr bajame të copëtuara
  • 1 lugë çaji ekstrakt vanilje
  • ½ lugë çaji sodë buke
  • 1 lugë çaji pluhur fryrës për ëmbëlsira
  • 1 lugë çaji kanellë
  • ¼ lugë çaji kripë

Përgatitja:

1. Ndizni furrën në 200oC.

2. Në një enë  të thellë shtoni qumështin dhe tërshërën, trazojini dhe lëreni mënjanë për rreth 10 minuta.

3. Në një enë tjetër shtoni miellin, kripën, sodën, pluhurin fryrës dhe kanellën. Lëreni mënjanë.

4. Shtoni vajin, sheqerin kaf, ekstraktin e vaniljes dhe vezën e rrahur në enën e tërshërës. Trazoni mirë dhe shtoni përmbajtjen e enës së miellit. Trazoni pak dhe shtoni dardhat dhe bajamet.

5. Brumin e përgatitur derdheni në një tavë minikekësh të shtruar me letra të posaçme. Spërkatini me bajame të prera.

6. Piqini minikekët për rreth 10-15 minuta. Hiqini nga furra dhe lërini të ftohen.

Kek i përmbysur me pjeshkë

Përbërësit:

  • 155 gr miell bajamesh
  • 3 vezë të vogla
  • 105 gr mjalt
  • 4 pjeshka mesatare
  • lëkura e grirë e një limoni

Përgatitja:

1. Ndizni furrën në 150oC.

2. Lyeni me gjalp dhe shtroni me letër pjekje një tavë me diametër 20 cm.

3. Qëroni pjeshkët dhe pritini në feta. Shtrojini fetat e pjeshkëve në tavë duke mos lënë hapësira boshe mes tyre. Lëreni tavën mënjanë.

4.  Merni një enë mesatare dhe shtoni miellin e bajameve dhe lëkurën e limonit. Trazojini pak dhe lëreni mënjanë.

5. Në një enë tjetër shtoni mjaltin dhe vezët. Rrihini me mikser derisa t’ju formohet një marengë e qëndrueshme.

6. Shtoni nga pak masën e miellit të bajames tek vezët e rrahura dhe trazoni me spatul duke pasur kujdes që të mos ulni volumin e vezëve të rrahura.

7. Derdheni brumin e përgatitur në tavë mbi shtresën e pjeshkëve. Piqeni kekun për rreth 45-50 minuta dhe kontrollojeni me kunj në qoftë se është bërë.

8. Nxirreni kekun nga furra dhe lëreni të ftohet plotësisht. Pasi të jetë ftohur, kthejeni përmbys në një pjatë dhe servireni.

Cheesecake me boronica & mjedra (Pa pjekje)

Përbërësit:

Për bazën e cheesecake:
  • 140 gr biskota
  • 70 gr gjalp i shkrirë
Për shtresën e parë:
  • 210 gr mascarpone
  • 5 gr fletë xhelatine
  • 100 ml pana për ëmbëlsira
  • 90 gr pure boronice
Për shtresën e dytë:
  • 210 gr mascarpone
  • 5 gr fletë xhelatine
  • 100 ml pana për ëmbëlsira
  • 45 gr sheqer
Për shtresën e tretë:
  • 210 gr mascarpone
  • 5 gr fletë xhelatine
  • 100 ml pana përr ëmbëlsira
  • 177 gr pure mjedrash
Për purenë e mjedrës:
  • 260 gr mjedra
  • 60 gr sheqer
  • 7 ml lëng limoni
Për purenë e boronicës:
  • 115 gr boronica
  • 50 gr sheqer
  • 5 ml lëng limoni

Përgatitja:

1. Për të përgatitur purenë e mjedrave, shtoni mjedrat, lëngun e limonit dhe sheqerin në një tenxhere mesatare dhe vërini në zjarr të mesëm. Trazoni vazhdimisht dhe shtypini me lugë mjedrat. Lërini në zjarr për rreth 30-40 minuta derisa të jetë formuar një pure e trashë.

2. Kullojeni purenë e mjedrave për të eleminuar farat dhe lëreni të ftohet.

3. Për të përgatitur purenë e boronicave, shtoni boronicat, lëngun e limonit dhe sheqerin në një tenxhere mesatare dhe përsërisni të njëjtin proces si me purenë e mjedrave.

4. Thërrmoni biskotat në blender dhe shtojini në një enë mesatare. Shtoni gjalpin e shkrirë dhe trazojini mirë me lugë derisa të homogjenizohen.

5. Shtrojeni masën e përgatitur me biskotat dhe gjalpin në një tavë rrethore me diametër 20 cm dhe sheshojeni mirë me lugë derisa të keni një bazë solide për cheesecake-un.

6. Futeni tavën në ngrirje dhe lëreni për minimalisht 30 minuta.

7. Merrni një enë dhe shtoni mascarponen për shtresën e parë (mascarpone-ja duhet të jetë temperaturë dhome). Trazojeni me tel kuzhine derisa të jetë e butë dhe kremoze.

8. Përgatisni xhelatinën. Zhysni në një enë me ujë të ftohtë me akull fletët e xhelatinës dhe lërini për rreth 10 minuta. Pasi të kenë kaluar 10 minuta shtrydheni xhelatinën me dorë dhe shkrijeni në mikrovalë.

9. Shtojeni xhelatinën e shkrirë në enën e mascarpones dhe trazoni shpejt. Rrihni panën e ëmbëlsirës me mikser dore derisa të bëhet krem i qëndrueshëm dhe shtojeni në enën e mascarpones. Shtoni dhe purenë e boronices dhe trazoni me spatul.

10. Merrni tavën nga ngrirja dhe shtoni masën e përgatitur për shtresën e parë. Rivendoseni tavën në ngrirje derisa të përfundoni përgatitjen e shtresës së dytë.

11. Procesi i përgatitjes për shtresën e parë  do të përsëritet dhe për shtresën e dytë dhe të tretë me të vetmin ndryshim që në vend të puresë së boronicës, në shtresën e dytë do të shtohet sheqeri ndërsa në shtresën e tretë pureja e mjedrës

12.  Lëreni cheesecake-un e përgatitur për disa orë në ngrirje para se ta konsumoni.

Tortë me karamel qumeshti dhe lajthi

Përbërësit:

Për karamelin e qumështit:
  • 120 gr sheqer
  • 45 ml ujë
  • 400 ml qumësht i kondensuar
  • 180 ml pana për ëmbëlsira
Për shtresat e kekut:
  • 4 vezë
  • 320 gr miell
  • 100 gr sheqer
  • 220 gr karamel qumështi
  • 250 ml qumësht
  • 2 lugë çaji lëng limoni
  • 170 ml vaj misri
  • 10 gr sodë buke
  • 8 gr pluhur pjekjeje
  • 20 ml ujë i nxehtë + 4 gr kafe (instant coffee)
  • 1 lugë çaji ekstrakt vanilje
Për mbushjen:
  • 150 gr lajthi
  • 80 gr karamel qumështi
  • 100 ml qumësht i kondensuar
Për kremin:
  • 600 ml pana për ëmbëlsira
  • 450 gr mascarpone
  • 200 gr karamel qumështi
  • 120 ml qumësht i kondensuar
  • 2 lugë çaji ekstrakt vanilje

Përgatitja:

1. Për të përgatitur karamelin e qumështit, shtoni sheqerin dhe ujin në një tenxhere mesatare. Mos i trazoni,sepse sheqeri do t’ju ngurtësohet.

2. Lëreni në zjarr të fortë derisa karameli të marrë ngjyrë të kuqerremtë. Hiqeni nga zjarri tenxheren dhe shtoni qumështin e kondensuar. Kthejeni tenxheren në zjarr dhe trazoni vazhdimisht masën.

3. Shtoni panën dhe vazhdoni të trazoni në zjarr mesatar. Hiqeni nga zjarri pas disa minutash kur karameli të jetë trashur. (Pasi të jetë ftohur karameli do të trashet akoma më shumë.)

4. Shtoni lëngun e limonit në gotën e qumështit që ju duhet për të përgatitur brumin e shtresave të tortës dhe trazojeni mirë. Lëreni mënjanë për rreth 10 minuta.

5. Për të përgatitur shtresat e tortës, merrni një enë të thellë. Shtoni në enë vezët, sheqerin, vaniljen dhe karamelin e qumështit. Trazojini me mikser derisa masa të homogjenizohet. Shtoni vajin dhe qumështin dhe miksoni sërish.

6. Tresni kafen në ujin e nxehtë, lëreni të ftohet dhe shtojeni në enë.

7. Merrni një enë tjetër dhe shtoni miellin, sodën, pluhurin e pjekjes. Trazojini me lugë dhe shtojeni tek ena tjetër duke e kaluar në sitë. Miksojini të gjithë përbërësit me mikser dore.

8. Ndajeni brumin e përgatitur në mënyrë të barabartë në tre tava me diametër 20cm të shtruara me letër pjekjeje (rreth 440 gr brumë për tavë).

9. Piqini kekët në furrë të ngrohur në 180oC për 25-30 minuta.

10. Për të përgatitur mbushjen, shtoni në një enë qumështin e kondensuar, karamelin e qumështit dhe lajthitë. Trazojini mirë me tel kuzhine dhe lëreni mënjanë.

11. Për të përgatitur kremin, rrihni panën për ëmbëlsira derisa të formohet krem i ngurtë dhe i qëndrueshëm. Lëreni mënjanë.

12. Në një enë rrihni me mikser mascarponen, qumështin e kondensuar, karamelin e qumështit dhe vaniljen derisa të bëhet kremoze. Shtojeni kremin e formuar tek pana e rrahur dhe rrihini për pak sekonda derisa të kombinohen.

13. Lëreni kremin të ftohet për rreth 30 minuta në frigorifer.

14. Për të përgatitur tortën, shtroni shtresën e parë të kekut, lyejeni me një shtresë mbushje dhe me një shtresë nga kremi i përgatitur. Përsëriteni këtë proces dhe me shtresën e dytë dhe në fund vendosni sipër shtresën e fundit. Mbulojeni tortën në të gjithë anët me krem dhe dekorojeni sipas dëshirës me lajthi.

Vezë në avokado

Përbërësit:

  • 2 avokado
  • 4 vezë të vogla
  • Djath parmigiano i grirë
  • Kripe, piper, paprika

Përgatitja:

1. Ndizni furrën në 220oC.

2. Ndani avokadot përgjysëm dhe hiqini një pjesë të tulit për ta zgjeruar gropën. Mbushini gropat me nga një vezë secila.

3. Spërkatini me djath parmigiano dhe erëza sipas dëshirës. Vendosini avokadot në një tavë të shtruar me letër pjekjeje.

4. Piqini për rreth 12-15 minuta derisa veza të jetë mpiksur.

Recete Torte me Arre Kokosi

Përbërësit:

Për kekun:
  • 360 gr miell
  • 530 ml qumësht kokosi (i konservuar, jo në kuti kartoni)
  • 100 gr arrë kokosi
  • 225 gr gjalp
  • 4 vezë + 4 të bardha veze
  • 400 gr sheqer
  • 15 gr pluhur pjekjeje
  • 2 lugë çaji ekstrakt vanilje
Për mbushjen:
  • 380 ml qumësht kokosi
  • 55 ml qumësht
  • 85 gr sheqer
  • 5 të kuq veze
  • 23 gr niseshte
  • 1 lugë çaji vanilje
  • 50 gr bajame të copëtuara
Për shurupin:
  • 100 gr çokollatë e bardhë (për gatim)
  • 400 gr gjalp
  • 320 ml qumësht i kondensuar

Përgatitja:

1. Ngrohni furrën në 180oC. Bëni gati tre tava me diametër 20 cm (lyejini me gjalp ose shtrojini me letër pjekjeje.

2. Sitni miellin dhe pluhurin e pjekjes në një enë të thellë. Shtoni dhe arrën e kokosit.Trazojini pak sa të kombinohen dhe lëreni enën mënjanë.

3. Në një enë tjetër shtoni gjalpin, (gjalpi duhet të jetë i butë, temperaturë ambienti) sheqerin dhe vaniljen. Miksojini me mikser dore rreth 10 minuta derisa të formohet një masë kremoze me ngjyrë të çelët.

4. Shtoni një nga një vezët dhe të bardha e vezëve ndëkrohë që vazhdoni të miksoni.

5.Shtoni pak nga pak përmbajtjen e enës së miellit dhe qumështin e kokosit duke i alternuar të dyja dhe vazhdoni të rrihni me mikser derisa të ju formohet një brumë homogjen.

6. Peshojeni dhe ndajeni brumin në mënyrë të barabartë në tre tavat dhe piqini kekët për rreth 40-50 minuta derisa një kunj të dalë i pastër nga qendra e kekut.

7. Ndërkohë që piqen shtresat e tortës, përgatisni mbushjen. Kjo mbushje është si kremi i pastiçerisë vetëm se në vend të qumështit të zakonshëm përdoret qumësht kokosi.

8. Shtoni qumështin, sheqerin dhe vaniljen në një tenxhere që nuk ngjit. Trazoni mirë me tel kuzhine. Lëreni në zjarr derisa të formohen flluska në anët e tenxheres dhe qumështi të jetë gati në të valuar.

9. Në një enë të thellë shtoni të kuqtë e vezëve dhe niseshten. Trazojini mirë dhe shtoni përmbajtjen e tenxheres duke trazuar me shpejtësi gjatë gjithë procesit në mënyrë që të mos ju mpikset veza nga nxehtësia e qumështit.

10. Kalojeni përmbajten e enës sërish në tenxhere dhe vëreni në zjarr mesatar duke trazuar vazhdimisht derisa t’ju formohet një krem i lëmuar në trajtë pudingu.

11. Kalojeni kremin në një enë dhe mbulojeni sipërfaqen me letër plastike kuzhine. Lëreni të ftohet plotësisht dhe lëreni në frigorifer.

12. Pasi shtresat e kekut të jenë pjekur dhe ftohur plotësisht, përgatisni kremin. Në një enë shtoni gjalpin e zbutur dhe miksojeni me mikser dore për disa minuta derisa të bëhet i çelët në ngjyrë dhe kremoz.

13. Shtoni qumështin e kondensuar (duhet të jetë i ftohtë) dhe miksoni për 1 minutë. Shtoni dhe çokollatën e bardhë të shkrirë dhe miksoni sërish për pak. Kremi duhet të jetë i trashë dhe i qëndrueshëm, në të kundërt lëreni të ftohet rreth 30 minuta në frigorifer.

14. Përgatisni tortën duke mbuluar shtresën e parë me mbushjen dhe me një pjesë të bajameve të copëtuara. Përsëriteni të njëjtin proces me shtresën e dytë dhe vendosni mbi to shtresën e tretë. Mbuloni me kujdes tortën me krem nga çdo anë dhe spërkateni me arrë kokosi sipas dëshirës. Lëreni disa orë në frigorifer para se ta konsumoni.