Babka me çokollatë

Përbërësit:

  • 500 gr miell
  • 100 gr sheqer
  • 120 ml qumësht
  • 90 gr gjalp
  • 3 vezë
  • 9g maja buke
Për mbushjen:
  • 170 gr çokollatë (60-70 % kakao)
  • 100 gr gjalp
  • 90 gr sheqer pluhur
  • 15 gr kakao
  • 40 gr lajthi të thërrmuara
Për shurupin:
  • 100 ml ujë
  • 70 gr sheqer

Përgatitja:

1. Në një enë shtoni majanë dhe qumështin e vakët. Trazojini pak me lugë dhe mbulojeni enën me një pecetë të pastër. Lëreni mënjanë për 10 minuta. Pas 10 minutash majaja duhet të jetë aktivizuar dhe të ketë formuar flluska në sipërfaqe.

2. Kalojeni përmbajtjen e enës në një enë të thellë. Aty shtoni dhe miellin, sheqerin, vezët dhe gjysmën e gjalpit. Trazoni mirë derisa t’ju formohet brumi dhe ngjesheni për pak minuta brumin e formuar.

3. Shtoni pak nga pak gjalpin e mbetur ndërkohë që vazhdoni ta ngjeshni brumin. Kalojeni brumin në një sipërfaqe të spërkatur me miell dhe ngjesheni për disa minuta derisa të bëhet elastik dhe i punueshëm.

4. Jepini brumit formë drejtkëndore dhe mbështilleni lirshëm me letër plastike kuzhine. Lëreni në frigorifer për disa orë (në rastin ideal, lëreni të pushojë gjithë natën).

5. Për të përgatitur mbushjen, bëni gati një bain marie. Merrni një tenxhere të mbushur 1/3 me ujë dhe vëreni në zjarr. Kur uji të jetë gati në të vluar, kaloni në zjarr të ulët. Puthisni mbi tenxhere një enë rezistente ndaj nxehtësisë dhe aty shtoni çokollatën e ndarë në copa dhe gjalpin e prerë gjithashtu në copa. Trazoni vazhdimisht me spatul derisa të shkrijnë plotësisht gjalpi dhe çokollata.

6. Fikeni zjarrin dhe shtoni sheqerin pluhur dhe kakaon. Trazoni mirë derisa të shpërbëhen plotësisht kokrrizat dhe kremi i çokollatës të jetë tërësisht kremoz.

7. Merrni brumin nga frigorifer dhe ndajeni në dy pjesë. (Receta mjafton për dy babka)  Njërën gjysëm lëreni në frigorifer derisa të keni mbaruar punë me të parën.

8. Kalojeni brumin në një sipërfaqe të spërkatur me miell dhe hapeni me pec në një petë drejtkëndore rreth 30×40 cm.

9. Lyejeni petën me kremin e përgatitur duke shmanguar cepat dhe spërkateni me gjysmën e lajthive të thërrmuara. Rrotullojeni me kujdes petën në një role të gjatë. Futeni rolenë në ngrirje për 5 minuta për ta pasur më të lehtë ta prisni.

10. Nxirreni rolenë nga ngrirja dhe priteni me një thikë të mprehtë në dy pjese të barabarta duke bërë nje prerje gjatësore në mes të rolesë. Dy pjesët e ndara ndërthurini si gërshet duke ekspozuar sipër prerjen ku duken vijëzimet e çokollatës.

11. Kalojeni babkën në një tavë drejtkëndorë buke të lyer me gjalp ose të shtruar me letër kuzhine. Lëreni të vijë në një ambient të ngrohtë për rreth 1 orë e gjysëm derisa të jetë dyfishuar në madhësi.

12. Piqeni në një furrë të parangrohur në 180oC për rreth gjysëm ore.

13. Përgatisni shurupin në kohën që babka piqet. Shtoni ujin dhe sheqerin në një tenxhere dhe lërini të vlojnë për disa minuta derisa sheqeri të shkrijë. Kur të jetë pjekur babka, lyejeni me furçë me shurupin e përgatitur sa është ende e nxehtë.

14. Të njëjtin proces përsëriteni për gjysmën e brumit të mbetur.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s