Cheesecake me luleshtrydhe

Përbërësit:

  • 450 gr mascarpone
  • 270 gr kos grek (ose salcë kosi)
  • 200 gr sheqer
  • 3 vezë
  • 25 gr miell
  • 1 lugë çaji ekstrakt vanilje
  • 2 lugë çaji lëng limoni
  • 150 gr biskota të thjeshta
  • 30 gr arrë kokosi e grirë
  • 60 gr gjalp i shkrirë
Për salcën e luleshtrydhes (coulis):
  • 200 gr luleshtrydhe
  • 70 gr sheqer
  • 1 lugë gjelle lëng limoni

Përgatitja:

1. Thërrmoni biskotat në blender. Kalojini biskotat e thërrmuara në një enë të thellë. Aty shtoni dhe arrën e kokosit dhe gjalpin e shkirë. Trazojini mirë me spatul derisa të kombinohen sic duhet.

2. Merrni një tavë katrore 22×22 cm dhe shtrojeni me letër pjekjeje. Shtoni masën e përgatitur në tavë dhe sheshojeni me lugë që të formohet një sipërfaqe e niveluar mirë.

3. Futeni tavën në ngrirje dhe lëreni për rreth gjysëm ore.

4. Ndërkohë që ftohet baza e cheesacake, përgatisni salcën e luleshtrydhes. Në një tenxhere që nuk ngjit shtoni luleshtrydhet e prera në copa, lëngun e limonit dhe sheqerin.

5. Lërini në zjarr mesatar duke i trazuar vazhdimisht me lugë druri për rreth 10 minuta derisa lëngu që lëshojnë luleshtrydhet të jetë trashur.

6. Hiqeni nga zjarri salcën dhe frulojeni me nje blender dore derisa copat e luleshtrydheve të shpërbëhen. Kullojeni salcën në sitë që të shmangni farat dhe lëreni mënjanë.

7. Për kremin e cheesecake, shtoni mascarpone-n në një enë të thellë. (Mascarpone-ja duhet të jetë në temperaturë dhome, jo i ftohtë) Miksojeni me mikser dore në shpejtësi minimale për rreth 30 sekonda sa të bëhet kremoz.

8. Shtoni kosin grek, sheqerin, miellin, vaniljen dhe limonin. Miksoni sërish derisa masa të homogjenizohet.

9. Në një enë tjetër rrihni lehtë vezët me një tel kuzhine. Shtoni vezët e rrahura tek ena e kremit dhe përziejini me spatul.

10. Merrni tavën nga ngrirja dhe derdhni mbi bazën e biskotës masën e kremit të përgatitur. Sheshojeni me lugë dhe shtoni salcën e luleshtrydhes sipër. Me një kunj, trazojeni salcën në mënyrë të çrregull që t’i jepni cheesecake-ut pamjen e mermertë në sipërfaqe.

11. Piqeni në furrë të parangrohur në temperaturë 140oC për rreth 1 orë. Kur ta nxirrni nga furra, anët duhet të jenë mpiksur, ndërsa qendra e cheesecake-ut duhet të jetë ende e butë dhe e lëvizshme.

12. Lëreni të ftohet plotësisht dhe pastaj lëreni në frigorifer për të paktën 8 orë para se ta konsumoni.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s